चाळीशी आली आहे, हे मन मान्य करत नसते...
एव्हाना गुडघे दुखी सुरू झालेली नसते,
पाठ दुखत नसते, चष्मा लागलेला नसतो,
शुगर किंवा बिपीचा ही त्रास सुरू झालेला नसतो
डोक्यावरचे केस मात्र पांढरे व्हायला लागेलेले असतात
पण डाय करून 'तरुण' दिसण्याचा मार्ग अजूनही शिल्लक असतो
म्हणून चाळीशी आली आहे, हे मन मान्य करत नसते...
एव्हाना 'मामा' तर अनेक वेळेला झालेलो असतो
पण बाबा होऊनही कर्तव्य पार पडायला लागलेलो असतो
पण प्रवासात एखादी विशीतली तरुणी जेव्हा 'काका' म्हणून हाक मारते
त्या वेळेला मात्र चाळीशी आली आहे, हे मन मान्य करत नसते....
बायको सोबत भांडणांचं प्रमाण एव्हाना कमी झालेलं असतं
रुसवे-फुगवे यांची दोघांनाही सवय झालेली असते
ती बिचारी आधीच जुळवून घेणारी असते
आपली मात्र तिला समजुन घेण्यात वर्ष वाया गेल्याचा कुठेतरी पश्चाताप असतो
आणि वाटतं तिच्यासाठी आपण अधिक तरुण राहायला हवं
आणि म्हणूनच चाळीशी आली आहे, हे मन मान्य करत नसते...
नश्वरताच शाश्वत आहे, हे एव्हाना कळायला लागलेलं असतं
लौकिकता सोडून निस्पृह आनंदाकडे मन झुकायला लागलेलं असतं
जिंकण्या-हरण्यातील अंतरही उमगलेलं असतं
उर्वरित जीवनात या प्रगल्भतेची अंमलबजावणी करण्याची किती संधी शिल्लक आहे!,
याचीच थोडी शंका असते...
आणि म्हणूनच चाळीशी आली आहे, हे मन मान्य करत नसते...
7 comments:
कृपया आपले अभिप्राय अवश्य नोंदवावे...
Wow...khup Sundar...very much relatable to everyone of us...close to 40's..😀
व्वा क्या बात है .....
व्वा क्या बात है .....
खूप खूप धन्यवाद सर
👌👌👌👌
Thanks a lot.
Post a Comment