एकात्मता मंत्र - स्वैर मराठी भावानुवाद

झाले पुराणकाळी

ऋषी मंत्रद्रष्टे अनेक

संबोधले तयांनी 

भगवंतास सुरेख

यम, मातरीश्वान, इंद्र आणि

संबोधीले वेदांती ब्रह्मपाणी

तो तर आहे जगन्नियंता

कधी कुमारस्वामी कधी शास्ता

बौद्ध म्हणती 'बुद्ध' जयांस

संबोधती 'अर्हन' जैन तयांस

निनादती शिखसंत 'सत् श्री अकाल' करोनी

तो स्वामी, तो पिता, तो ची जननी

तो ची गा परमात्मा

एकची अद्वितीय जाणा...

संगीत - डॉ.चारुदत्त देशपांडे

अनुवादक - हेमंत पोहनेरकर

अलक

त्याला तत्वज्ञान विषयात पीएचडी करायची होती.

परंतु गुरूंनी त्याच्या कडून तीन वर्ष सेवा करवून घेतली.

ती पूर्ण झाल्यावर तो म्हणाला, "आता मला तत्वज्ञान विषयात पीएचडी करायची गरज नाही."

गुरु शांतपणे त्याच्याकडे पाहत होते. 

तो पुढे म्हणाला , "कारण जाणीव ते नेणीव हा माझा प्रवास तुम्ही अगदी सहज पूर्ण केला आहे." 

अलक

 ती - तुझा द्विधा मनस्थितीचा स्वभाव आता बदलला पाहिजे.

तो - ठिक आहे. प्रयत्न करतो.

       परंतु आजवर गोष्टी तुझ्या आवडीच्या करण्याच्या विचारात असायचो.