आरती

'देव'
कधीही न समजलेला एक शब्द
मी मनात खोलवर अगदी खोलवर
रुजत गेली आरती

श्रद्धेच्या ठाई देव असतो
परंतु देवावरची श्रद्धा येते कोठून ?

(तसा मी नास्तिक आस्तिक
या शब्दांच्या पलीकडला)

भावनेच्या बंधनात का कधी
श्रद्धा असते ?
परंतु आरती असते ना
जाणिवेच्या शब्दात

ही जाणीवच तर
देवत्व निर्माण करत नाही ना !

प्रकटीकरणाचा नियम वा
साक्षात्काराची अनुभूती,
आदिदैविक किंवा आदिभुतीक
व्यक्ता कडून अव्यक्तकडे
जाणाऱ्या या प्रवासात
पुण्यापेक्षा आनंदच जर
अधिक असेल मिळणार
तर तूर्तास मी देवाला
'थांब' म्हणेन
कारण 'आरती' अधिक आर्त
होत जात आहे...

©हेमंत पोहनेरकर