अलक क्र.९८

हसणाऱ्या प्रत्येक मनुष्याला तो विचारायचा, "तुम्हाला एखादं कधीतरी मोठं दुःख झालेले आहे का?"

अर्थातच प्रत्येक मनुष्याचे 'हो' असेच उत्तर यायचे.

एकदा एका वयोवृद्ध मनुष्याला हसताना पाहून तो तोच प्रश्न विचारत पुढे म्हणाला,

"मी गर्भ श्रीमंतीत वाढलो आहे. मला दुःख माहीत नाही. म्हणून आनंद देखील कळत नाही".

स्मित हास्य करत ते वयोवृद्ध गृहस्थ म्हणाले, "अगदी सोपं आहे. इतरांच्या दुःखात सहभागी हो".